طريقة عمل الشبسى فى المنزل *_^ سهلة

الشيبسى

السلام عليكم ورحمة الله وبركاتة
ازيكم ياافتوكات انا النهاردة جيبااالكم الشيبسي بكل نكهاااتة وبفكرة جديدة هتعجبكم اووووووووي وعمر الشيبسي ماهيطلع طري معااكي

نقشر البطاطس المخصصة للقلي و نقطعها حلقات (شيبسي)رقيقة و نضعها في ماء بارد أو ماء به قطع ثلج و نتركة في الماء البارد لمدة 1/2ساعة على الأقل و لا تضع على الماء ملح ونحطها فى التلاجة علشان تفضل ساقعة

نسخن الزيت جيداً على درجة حرارة عالية ،ثم نضع الشيبسي في الزيت بكميات قليلة والزيت غزير حتى يعطي النتيجة اللى عيزنها من القرمشة
بجد عن تجربة رووووووووعة بتتطلع مقرمشة وجميلة

:::::نيجى بقى للطعم ::::::

اولا نكهة الجبنة المتبلة :
نحضر جبنة رومي مثلجة (وضعها في الفريزر منذ 24ساعة تقريباً )و نضربها في الكبه و لازم تكون مثلجة علشان تتطحن كويس وتبقى شبة البودرة ،ثم نضيف عليها مرقة دجاج فورية و نضربها مرة أخرى لتتجانس و تنعم أكثر ولو عندك توم وبصل بودرة ضيفى معاها ونرشها على البطاطس اول ما تطلع من الزيت

ثانيا نكهة الطماطم :
اعصرى طماطمايةوحطى عليها ملعقة ملح + ملعقة خل +ملعقة فلفل اسود
وانقعى البطاطس فيها بعد ما تشليها من الماية وبرضوة تبقى فى التلاجة قبل القلي طبعاالبطاطس هايكون لونها احمر وتقلى

ثالثا نكهة الكاتشب :
ملعقتين كاتشب + ملعقة ملح + ملعقة خل +ملعقة فلفل اسود انقعى برضة البطاطس زى الخطوةاللي فاتت

رابعا نكهة الخل :
اتنقعى البطاطس في الخل والملح بعد الماية وتقلى

خامسا الشطة والليمون :
ملعقة خل + نص ملعقة شطة + عصير ليمونة +ملح + فلفل اسود

(((انقعى اطول فترة ممكنة علشان تاخد من الطعم كويس جدا )))

سادسا نكهة الدجاج:
رشى مرقة دجاج فويرة على البطاطس اول ما تطلع من الزيت

ممتاااااااااااااااز يا دودو

ممتاااااااازة ♥

» طريقة عمل الكوكيز الشهية
» الكيكة الاسفنجية ( طريقة الشيف حسن )
» معاكى شراب تعالى اعلمك تعملى تسريحة سهلة
» طريقة عمل كيكة المارس
» طريقة عمل كيكة الشوكولاتة