الريجيم كالأتي :
هاتي ورقة وإنقليه
* في أي ريجيم لازم تعرفي وزنك المثالي اللي انتي محتاجة توصليله *
وهقولكوا طريقة حلوة عشان تعرفوا بيها وزنكوا المثالي
قيسي طولك
وإقسميه ÷ 100
الناتج اللي هيطلعلك اضربيه × نفسه
هتطلعلك كتلتك
اقسمي وزنك على كتلتك
هتلاقي رقم قدامك
لو كان أكبر من 20 فإنت فعلا محتاجة تخسي
وعشان تعرفي وزنك المثالي نقصي ال20 من الأعداد الصحيحة في الرقم هيطلعلك وزنك المثالي
و لو كان أقل من 20 فإنت لازم تتخني لغاية ما يوصل للعشرين
و لو كان أكبر من 30 فإنت في مرحلة الخطر ولازم تخسي والا هتمرضي وتتعبي
هقولكوا مثال
أنا وزني 56 الوقتي الحمد لله ما طلعش 58 زي ما انا فاكرة
وطولي 146
هقسم طولي على 100 هيطلع 1.46
هضربه في نفسه هيطلع 2.1316
دي كتلتي
هقسم وزني على كتلتي = 56 ÷ 2.1316 = 26.271345468192906736723587915181
طويل
هننقص العشرين من الأعداد الصحيحة
هبقى محتاجة أخس 6 كيلو تقريبا
بس أنا هدفي بإذن الله 7
فلازم تحددي هدفك
وترسمي حلمك قدامك
عشان تنجحي وتوصليله
* حسسي نفسك انك جميلة عشان تخنك ما يأثرش على نفسيتك *
يعني دايما سرحي شعرك وابتسمي وإلبسي لبس ما يبينش انك تخينة وفي نفس الوقت حلو عشان ما يأثرش على نفسيتك لأن لو نفسيتك تعبانة عمرك ما هتتقبلي الريجيم ولا هتتفاعلي معاه
يلا نبدأ مع بعض نعرف ريجيمنا
ريجيمنا قبل رمضان أوبعده
* الافطار يكون ونص رغيف فقط معاه أي حاجة بس بشرط تكون خالية من الزيت والسمن *
لأنهم بيبقوا مصيبة كبرى الزيت والسمن دول
* شرب كوب شاي باللبن بعد أي افطار بربع ساعة *
يكون الشاي خفيف ومعلقة واحدة سكر صغيرة وعليها مياه مغليه ولبن
* لو كنتي جعانة ما بين وجبة الفطار والغداء تقدري تاكلي فاكهة أو طماطم أو خيار أو سلطة *
والسلطة مهمة جدا على الأقل طبق سلطة كل يومين
*رياضة نص ساعة تزيد تدريجياً *
كل يوم هنزود عن اليوم اللي قبله 3 دقايق
والرياضة دي أساسية لازم كل يوووووووووم ما ينفعش كسل
*شرب إزازتين مياه كل يوووم أو أكتر*
لازم على قد ما تقدري تشربي مياه لأنها بتحرق الدهون وبتسد النفس
*قللي على قد ما تقدري من القهوة والشاي والنسكافيه والكاكاو*
حاولي ما تشربيهمش خالص خلي حياتك كلها شاي أخضر أو أعشاب بتخسس
ولو نفسك فيها ممكن مرة كل شهر بمعلقة سكر واحدة
*حددي ليكي طبق خااااااص على الغداء*
حطي فيه 7 معالق من النشويات ( رز أو مكرونة )
ولو فيه فراخ حطي نايبك وممنوع الآتي :
- أي جلدة لازم تشيليها -
- ممنوع منعا باتا تكون متحمرة -
ممكن تحطيها في صينية وتدخليها في الفرن
وع الشواية وكل شوية تروحي تشوفيها ولو احمرت من فوق اقلبيها
وعن تجربة هاااااااااايلة مووت ونفس الطعم بالظبط بس من غير حاجة تتخن
ولو فيه لحمة :
- تشيلي دهنها -
- وبرضه ما تحمريهاش -
إعملي نفس الطريقة اللي قولتلك عليها اعمليها معاها
وكذلك مع البرجر والكوكي وهكذا
وعدد غير محدود من الخضار براحتك خالص ما بتتخنش
وقللي من الشربة شوية بس ما تمنعيهاش
كليها بس قللي
وما تنسيش بقى طبقى السلطة
*كلي بمعلقة صغيرة*
استغربتي صح ؟
الحكاية دي وعن تجربة مفيدة جدا
بصي يا ستي
انتي لما تاكلي أكتر من معلقة
هتحسي انك أكلتي كتير فتحسي إنك زودتي أوووي وتقومي من على الأكل
الحكاية دي مجربينها أنا وماما رااااااااائعة بجد
جربي وادعيلي
* امضغي الأكل كويس*
لأن المضغ السليم بيقلل من زيادة الدهون ودي معلومة قرأتها على النت دكتور كان قايلها وبابا أكلدلي عليها
*شرب كل يوم كوب شاي أخضر بملعقة سكر واحدة بعد كل غداء*
وهتلاقوا طعمه مر جدا يا بنات حطوا عليه نعناع هتلاقوه خرافة وعن تجربة
* بعد الساعة 7 مفيش أكل نهااااااااااااااااااااااااااااااااااااااااااااااااااائي*
الا لو حسيتي بهبوط أو دوخة
بس إن شاء الله مش هيحصل حاجة من دي
الحكاية دي بتخسس يا جماعة وعن تجربة برضه
ريجيمنا في رمضان
*رياضة ثلث ساعة يوميا *
حبيبتي ممكن يبقى صعب لكن لو شغلتي قرآن على موبايلك وانتي بتمشي ربنا هيعينك وهتتبسطي وعن تجربة برضه
*حددي ليكي طبق خااااااص على الفطار*
نفس النظااااااام
برضه حطي فيه 7 معالق من النشويات ( رز أو مكرونة )
ولو فيه فراخ حطي نايبك وممنوع الآتي :
- أي جلدة لازم تشيليها -
- ممنوع منعا باتا تكون متحمرة -
ممكن تحطيها في صينية وتدخليها في الفرن
وع الشواية وكل شوية تروحي تشوفيها ولو احمرت من فوق اقلبيها
وعن تجربة هاااااااااايلة مووت ونفس الطعم بالظبط بس من غير حاجة تتخن
ولو فيه لحمة :
- تشيلي دهنها -
- وبرضه ما تحمريهاش -
إعملي نفس الطريقة اللي قولتلك عليها اعمليها معاها
وكذلك مع البرجر والكوكي وهكذا
وعدد غير محدود من الخضار براحتك خالص ما بتتخنش
وقللي من الشربة شوية بس ما تمنعيهاش
كليها بس قللي
وما تنسيش بقى طبقى السلطة
*شرب نص إزازة قبل الفطار*
لازم الحكاية دي عشان ما تاكليش كتير على الفطار
مجرباها دي برضه
*كلي بمعلقة صغيرة برضه*
برضه لأنك لما تاكلي أكتر من معلقة
هتحسي انك أكلتي كتير فتحسي إنك زودتي أوووي وتقومي من على الأكل
الحكاية دي مجربينها أنا وماما رااااااااائعة بجد
* امضغي الأكل كويس*
لأن المضغ السليم بيقلل من زيادة الدهون ودي معلومة قرأتها على النت دكتور كان قايلها وبابا أكلدلي عليها
*شرب كل يوم كوب شاي أخضر بملعقة سكر واحدة الفطار*
وهتلاقوا طعمه مر جدا يا بنات حطوا عليه نعناع هتلاقوه خرافة وعن تجربة
وأتمنى الريجيم يبقى بسيط وسهل
في أمان الله