قوانين المنتدى .. هاااام يا بنوتات

قوانين المنتدى

أرجو منك مراعاة القواعد الآتية حفاظا على سمت المنتدى العام وعلى نظامه
الموضوع دة هيوضح لك الأسس العامة للمنتدى
وهيحافظ على خصوصيتك .. بس أرجو الإلتزام
- منتدانا اسلامي .. بس مش معنى كده ان المسلمات بس اللي ينفع يشتركوا
لا كلنا لينا مكان في المنتدى
بس يا بنوته لو انتي مش مسلمة ما ينفعش تنشري اي حاجة عن دينك
او تدعي الناس ليه
ولو كده هنأسف ليكي وهنحظرك .. وياريت تتقبلينا

[ندعوك للتسجيل في المنتدى أو التعريف بنفسك لمعاينة هذه الصورة]

- الحرية الشخصية في التعبير أمر مكفول للجميع .. وده دايما اللي بقولكوا عليه
بس في المقابل المفروض تتقبلي الرأي الآخر وتحترميه . لأن الاختلاف سنة من سنن الله الكونية.

[ندعوك للتسجيل في المنتدى أو التعريف بنفسك لمعاينة هذه الصورة]

- الاشتراك في الموقع للنساء فقط، واشتراك الرجال في الموقع غير مقبول أبدا
ولو لقيتي راجل دخل الشات أو حد شاكة فيه برجاء عدم الرد عليه وابلاغي أو أي من المشرفات
ولو ما لقيتوناش موجودين ردوا عليه من غير ما تودوا نفسكوا في مصايب :D
وروهم الشغل عشان يحرموا يدخلوا عندنا تاني
وتبعتولي رسالة تقولولي العضوية دي راجل فأحظرها

[ندعوك للتسجيل في المنتدى أو التعريف بنفسك لمعاينة هذه الصورة]

- محتوى الموقع متاح لكل الناس زي ما انتو عارفين ..
في الموقع وفي محركات البحث (جوجل)
وغير قاصر على عضوات المنتدى
فبرجو منك إدراك ذلك قبل كتابة الموضوعات
وياريت ما تتكلميش عن خصوصياتك

[ندعوك للتسجيل في المنتدى أو التعريف بنفسك لمعاينة هذه الصورة]

- يفضل أن يكون اسمك في المنتدى رقيقً
وأسماء الرجالة لا تسمح في المنتدى
ولذلك سيتم حظرك لأنك بتثبتيلنا انك ولد

[ندعوك للتسجيل في المنتدى أو التعريف بنفسك لمعاينة هذه الصورة]

- يفضل أن تكون كلمة مرورك صعبة بحيث محدش يقدر يتوقعها ..
عشان تقدري تحافظي على حسابك

[ندعوك للتسجيل في المنتدى أو التعريف بنفسك لمعاينة هذه الصورة]

- قبل كتابة موضوع احرصي على مراجعة قوانين القسم اللي هتكتبي فيه
وهي بتبقى مثبته في كل الأقسام

[ندعوك للتسجيل في المنتدى أو التعريف بنفسك لمعاينة هذه الصورة]

عند كتابة المواضيع :
*المفروض يكون عنوان موضوعك دال على محتواه

* احرصي على تنسيق موضوعك، وعرضه بطريقة مناسبة .. عشان العضوات يتابعوكي

* ممنوع تكرار المواضيع .. لأنك لو كررتي الموضوع مش هتفيدي حد ..
فكفاية انك ترفعي الموضوع برد قصير

*احرصي على كتابة مواضيع من أفكارك، وبلاش تنقلي ..
لكن لو اضطررتي للنقل فمتنسيش تكتبي منقول في نهاية الموضوع ..

* لا يسمح بعمل أكثر من نسخة للموضوع الواحد
عشان ما نزحمش المنتدى على الفاضي

[ندعوك للتسجيل في المنتدى أو التعريف بنفسك لمعاينة هذه الصورة]

كده يا فتوكات عرفنا قوانين المنتدى .. مفيش أحلى ولا أجمل من كده
وبسيطة وسهلة .. وهي دي الشروط اللي عايزينها لما تشتركي معانا .. غير كده مفيش
يارب نشوف البسمة على وشك والفرحة طالعة من قلبك لما تكلمي اخواتك هنا
وتهزري وتضحكي ♥
ربنا ما يحرمنا منكوا

[ندعوك للتسجيل في المنتدى أو التعريف بنفسك لمعاينة هذه الصورة]

تم التثبيت
لكل القوانين

شكرا يا جميل

» قوانين قسم المنتدى الإسلامي .. هام يا بنوتات
» قوانين قسم دردشة بنات .. هاااام
» رسائل المنتدى لاحلى بنوتات
» قوانين قسم (جنون الموضة) هآم يا بنوتات
» قوانين قسم التدبير المنزلي .. هام يا بنوتات